विश्व प्रतिजैविक प्रतिरोध सचेतना सप्ताह, २०८३
- यो सप्ताह विश्वव्यापी रूपमा हरेक वर्ष नोभेम्बर १८ देखि २४ सम्म (मङ्सिर १ देखि ८ गते) मनाइने,
- वि.सं. २०८३ को मुख्य नारा (नेपाली): "एक स्वास्थ्य, एक अभियानः प्रतिजैविक प्रतिरोधको आजैबाट रोकथाम"
- सन् २०२६ को मुख्य नारा (अंग्रेजी): "One Health, One Action: Prevent AMR Now"
- मूल नाराको सन्देश: मानव, पशुपन्छी, वनस्पति र वातावरणीय स्वास्थ्यबीचको गहन अन्तरसम्बन्धलाई आत्मसात् गर्दै AMR को रोकथाम तथा नियन्त्रणका लागि सरोकारवाला सबै क्षेत्रको सामूहिक, समन्वयात्मक र एकीकृत प्रयासको निरन्तरता आवश्यक रहेको सन्देश यस नाराले दिएको,
- प्रतिजैविक प्रतिरोध (AMR) को मुख्य कारण: एन्टिबायोटिक लगायतका प्रतिजैविक औषधिको अनुचित वा अत्याधिक प्रयोग एवं दुरुपयोगका कारण सूक्ष्मजीवहरूमा औषधिको प्रतिरोधात्मक क्षमतामा तीव्र वृद्धि
- AMR का प्रत्यक्ष असरहरू: सामान्य सङ्क्रमणको उपचार जटिल बन्दै जानुका साथै मानव स्वास्थ्य, पशुपन्छीको स्वास्थ्य, कृषि उत्पादन, खाद्य सुरक्षा तथा वातावरणमा प्रत्यक्ष नकारात्मक असर परिरहेको,
- चुनौती न्यूनीकरणका उपायहरू: प्रतिजैविक औषधिको समुचित प्रयोग, सङ्क्रमण रोकथाम तथा नियन्त्रण, सरसफाइ, खोपको प्रवर्द्धन र प्रभावकारी निगरानी प्रणालीको सुनिश्चितता गर्नु आजको मुख्य आवश्यकता
- औषधि सेवनसम्बन्धी आचरण: चिकित्सकको सिफारिसबिना र आफूखुसी प्रतिजैविक औषधि प्रयोग नगर्ने तथा निर्धारित मात्रा र तोकिएको अवधिसम्म मात्र सेवन गर्ने व्यवहारको अनुपालन गर्न जरुरी
- Reserve समूहका एन्टिबायोटिकको बिक्री नियम: Reserve समूहका एन्टिबायोटिकहरू अस्पताल फार्मेसीबाट मात्र बिक्री वितरण गर्ने व्यवस्था मिलाउन विभाग क्रियाशील रहेको,
- औषधि व्यवस्था विभागको मुख्य भूमिका: प्रतिजैविक औषधिको गुणस्तर, सुरक्षा र प्रभावकारिता सुनिश्चित गर्नुका साथै उत्पादन, आयात, बिक्री वितरण र प्रयोगको नियमन तथा खपतसम्बन्धी तथ्याङ्क सङ्कलन गरी अन्तर्राष्ट्रिय स्तरमा प्रतिवेदन गर्ने कार्य विभागले गर्दछ,