नेपालमा कृषि क्षेत्रमा भएका सुधारका कार्यक्रमहरू

• आ.व. २०६३/०६४ देखि “एक गाउँ, एक उत्पादन” कार्यक्रम सञ्चालनमा आएको छ। सुरुमा ३२ जिल्लामा मात्रै सञ्चालन भएको यो कार्यक्रम आ.व. २०७०/०७१ देखि १० जिल्ला थप भई हाल ४२ जिल्लामा विस्तार गरिएको छ।

• कृषि क्षेत्रको प्रवर्द्धन गरी देशलाई खाद्यान्नमा आत्मनिर्भर बनाउने उद्देश्यले “प्रधानमन्त्री कृषि आधुनिकीकरण परियोजना” सन् २०७३ देखि लागू गरिएको छ। यस परियोजनाले कृषि उत्पादन, प्रशोधन, भण्डारण र बजार व्यवस्थापनसँग सम्बन्धित पूर्वाधार निर्माणका साथै कृषि यान्त्रिकीकरणका महत्वपूर्ण क्रियाकलापहरू सञ्चालन गर्दै आएको छ। परियोजनाअन्तर्गत हालसम्म विभिन्न बाली र वस्तुहरूका लागि १६ सुपर जोन, १७७ जोन, १५८७ ब्लक र ८७१० पकेट निर्धारण गरिएका छन्।

• साथै, कृषि क्षेत्रमा कृषकहरूलाई प्रोत्साहन गर्नका लागि “राष्ट्रपति सर्वोत्तम कृषक पुरस्कार” र “राष्ट्रपति उत्कृष्ट कृषक पुरस्कार” जस्ता कार्यक्रमहरू सञ्चालनमा ल्याइएको छ।