जनमतसङ्ग्रहदेखि जनआन्दोलनसम्म
जनमतसङ्ग्रहदेखि जनआन्दोलनसम्म
जनमतसङ्ग्रहपछि संवैधानिक सुधार गरियो र वयस्क मताधिकारमा आधारित चुनाव सम्पन्न भयो। यसपछि बनेको पञ्चायती व्यवस्थाअन्तर्गत पहिलो २७ सदस्यीय मन्त्रिपरिषद् सूर्यबहादुर थापाको नेतृत्वमा वि.सं. २०३८ असार २ गते गठन भयो। पछि वि.सं. २०३९ असोज २४ गते केही परिवर्तनसहित मन्त्रिपरिषद् ३५ सदस्यीय बनाइयो।
तर वि.सं. २०४० असार २७ गते राष्ट्रिय पञ्चायतका १०८ सदस्यको बहुमतबाट प्रधानमन्त्री सूर्यबहादुर थापाविरुद्ध विश्वासको प्रस्ताव पारित भयो। प्रस्तावमा उनले आफ्ना कर्तव्य इमानदारीपूर्वक पूरा नगरेको आरोप लगाइएको थियो। यो प्रस्ताव राजाले स्वीकृत गरेपछि थापा सरकार विघटन भयो।
त्यसपछि लोकेन्द्रबहादुर चन्दलाई १०७ सदस्यको समर्थनमा निर्विरोध छानिएको र राष्ट्रिय पञ्चायतको सिफारिसमा वि.सं. २०४० असार २८ गते राजाबाट प्रधानमन्त्रीमा नियुक्त गरियो। उनले असार २९ गते २१ सदस्यीय मन्त्रिपरिषद् गठन गरे।
