संवैधानिक परिषद् (काम, कर्तव्य, अधिकार र कार्यविधि) (पहिलो संशोधन) अध्यादेश, २०८३

• अध्यादेशको नाम: संवैधानिक परिषद् (काम, कर्तव्य, अधिकार र कार्यविधि) (पहिलो संशोधन) अध्यादेश, २०८३
• नेपाल राजपत्रमा प्रकाशित मिति: २०८३/०१/२२
• अध्यादेश नम्बर: संवत् २०८३ सालको अध्यादेश नं. ०८
• संवैधानिक आधार: नेपालको संविधानको धारा ११४ को उपधारा (१) बमोजिम मन्त्रिपरिषद्को सिफारिसमा राष्ट्रपतिबाट जारी भएको,
• संशोधन गरिएको मूल ऐन: संवैधानिक परिषद् (काम, कर्तव्य, अधिकार र कार्यविधि) सम्बन्धी ऐन, २०६६

• बैठक सम्बन्धी कार्यविधि (दफा ६):
  • परिषद्को बैठक आवश्यकता अनुसार अध्यक्ष (प्रधानमन्त्री) ले तोकेको मिति, समय र स्थानमा बस्ने,
  • बैठक बस्नुभन्दा कम्तीमा ४८ घण्टा अगावै सचिवले सदस्यहरूलाई कार्यसूची सहितको सूचना पठाउनुपर्ने; यस्तो सूचना लिखित वा आधिकारिक विद्युतीय माध्यमबाट पठाउन सकिने,
• गणपूरक संख्या (कोरम): अध्यक्ष र कम्तीमा तीन जना सदस्यहरू गरी कम्तीमा चार जना उपस्थित भएमा परिषद्को बैठकका लागि गणपूरक संख्या पुगेको मानिने,
• निर्णय प्रक्रिया:
  • बैठकमा पेस भएको प्रत्येक विषयको निर्णय सर्वसम्मतिको आधारमा हुने,
  • सर्वसम्मति हुन नसकेमा बहुमतको आधारमा निर्णय हुन सक्ने व्यवस्था गरिएको,
• बहुमतको व्याख्या:
  • अध्यक्ष र ५ जना सदस्य उपस्थित भएमा: अध्यक्ष सहित कम्तीमा ३ जनाको निर्णय,
  • अध्यक्ष र ४ जना सदस्य उपस्थित भएमा: अध्यक्ष र कम्तीमा २ जना सदस्य गरी ३ जनाको निर्णय,
  • अध्यक्ष र ३ जना सदस्य उपस्थित भएमा: अध्यक्ष र २ जना सदस्य गरी ३ जनाको निर्णय,
• संसदीय सुनुवाइ सम्बन्धी व्यवस्था (दफा ७):
  • संसदीय सुनुवाइ समितिले कुनै व्यक्ति नियुक्तिका लागि उपयुक्त नभएको निर्णय गरेमा सोको जानकारी परिषद्लाई गराउनुपर्ने,
  • त्यस्तो जानकारी प्राप्त भएमा परिषद्ले पुनः अर्को बैठक बसी अर्को व्यक्तिको नाम सिफारिस गर्नुपर्ने प्रावधान थपिएको,