संविधानलाई मुल कानून मानिनुका कारण
राज्य सञ्चालनका मार्गदर्शक सिद्धान्तहरु उल्लेख भएको मूल कानून नै संविधान हो। संविधानले सरकार र जनताबीच सम्बन्ध सेतुको कार्य गर्दछ। संविधानको आधारमा सरकारको संचालन हुन्छ। संविधानद्वारा सरकारको स्वरुप र लक्ष्यको निर्धारण गरिन्छ। यसद्वारा सरकारका बिभिन्न अङ्गबीच शक्तिको बिभाजन गर्ने कार्य गरिन्छ।
संविधानलाई मूल कानून मानिनका कारण
संविधानलाई मूल कानून मानिनका कारणहरुलाई देहायबमोजिम उल्लेख गर्न सकिन्छ |
- संविधान राज्यको सर्वोच्च शक्तिद्वारा निर्माण गरि जारी गरिन्छ ।
- संविधानसँग बाझिने गरि निर्माण हुने अन्य कानूनहरु बदरभागी हुन्छन्।
- संविधानले नै कानून निर्माण गर्ने व्यवस्थापिका, कार्यन्वयन गर्ने कार्यापालिका र व्याख्या गर्ने न्यायपालिकाको सिर्जना गरी उत्त निकायहरुबीच अधिकारको विभाजन र सन्तुलन र नियन्त्रण गरेको हुन्छ ।
- यसमा राज्यका नीति, निर्देशक सिद्धान्त र दायित्वहरु समावेश हुन्छन् ।
- अन्य कानूनहरुलाई संविधानले नै मार्गदर्शन गर्दछु।
- राज्यको संरचना र स्वरुप संविधानले नै निर्धारण गर्दछ ।
- संविधान सहजै खारेज र संशोधन गर्न सकिँदैन ।
- संविधानले नै नागरिकका हक र दायित्वलाई किटान गरेको हुन्छ ।
अत: राज्य सञ्चालनका लागि आवश्यक मार्गदर्शक सिद॒धान्तहरुको संग्रह नै संविधान भएकाले यसलाई मूल कानूनको रुपमा लिन सकिन्छ ।
