संयुक्त राष्ट्र संघको स्थापनाको ऐतिहासिक विकासक्रम
|
वर्ष / मिति
|
ऐतिहासिक घटनाक्रम
|
|---|---|
|
८ जनवरी १९१८
|
अमेरिकी राष्ट्रपति वुड्रो विल्सनले अमेरिकी कंग्रेसमा दिएको आफ्नो "चौध बुँदे" भाषणमा पहिलो पटक "राष्ट्र संघ (League of Nations)" को प्रस्ताव गरेका,
|
|
२८ जुन १९१९
|
प्रथम विश्वयुद्धको अन्त्यपछि विश्व शान्ति र सामूहिक सुरक्षा कायम गर्ने उद्देश्यले राष्ट्र संघ (League of Nations) को आधिकारिक स्थापना भएको,
|
|
३ सेप्टेम्बर १९३९
|
दोस्रो विश्वयुद्धको अधिकारिक सुरुवात
|
|
१२ जुन १९४१
|
सेन्ट जेम्स प्यालेसको घोषणापत्र: लन्डनमा भेला भएका विभिन्न राष्ट्रका प्रतिनिधिहरूले युद्धपछि विश्वमा मिलेर काम गर्ने प्रतिबद्धता जनाउँदै पहिलो महत्त्वपूर्ण पाइला चालेका,
|
|
१४ अगस्ट १९४१
|
अमेरिकी राष्ट्रपति फ्रंकलिन डी. रुजवेल्ट र बेलायती प्रधानमन्त्री विन्स्टन चर्चिलले "एटलान्टिक बडापत्र (Atlantic Charter)" जारी गरे, जसमा युद्धपछिको विश्व शान्तिका सिद्धान्तहरू उल्लेख,
|
|
१-२ जनवरी १९४२
|
२६ राष्ट्रका प्रतिनिधिहरूले वासिङ्टन डि.सी. मा "संयुक्त राष्ट्र संघको घोषणापत्र (Declaration by United Nations)" मा हस्ताक्षर गरेका; पहिलो पटक "United Nations" नाम आधिकारिक रूपमा प्रयोग भएको,
|
|
अक्टोबर-डिसेम्बर १९४३
|
मस्को र तेहरान सम्मेलनहरू: ठूला शक्ति राष्ट्रहरूले विश्व शान्ति कायम गर्न एक नयाँ अन्तर्राष्ट्रिय संगठनको स्थापना गर्ने आवश्यकतालाई औपचारिक रूपमा स्वीकार गरेका,
|
|
अगस्ट-अक्टोबर १९४४
|
डम्बार्टन ओक्स सम्मेलन: वासिङ्टन डि.सी. मा भएको यस बैठकमा चीन, सोभियत संघ, बेलायत र अमेरिकाले भावी संयुक्त राष्ट्र संघको संरचना र मुख्य अंगहरूको रूपरेखा तयार पारेका,
|
|
११ फेब्रुअरी १९४५
|
याल्टा सम्मेलन: फ्रंकलिन डी. रुजवेल्ट, विन्स्टन चर्चिल र जोसेफ स्टालिनले संयुक्त राष्ट्र संघ स्थापना गर्ने दृढ संकल्प दोहोर्याएका र सुरक्षा परिषद्को मतदान प्रणालीमा सहमति जनाएका,
|
|
२५ अप्रिल - २६ जुन १९४५
|
सान फ्रान्सिस्को सम्मेलन: ५० राष्ट्रका प्रतिनिधिहरू सहभागी भएर संयुक्त राष्ट्र संघको बडापत्रलाई अन्तिम रूप दिएका,
|
|
२६ जुन १९४५
|
सान फ्रान्सिस्कोमा ५० संस्थापक राष्ट्रहरूद्वारा संयुक्त राष्ट्र संघको बडापत्र (UN Charter) मा सर्वसम्मतिले हस्ताक्षर गरिएको,
|
|
१५ अक्टोबर १९४५
|
पोल्याण्डले बडापत्रमा हस्ताक्षर गरेको (पोल्याण्ड सम्मेलनमा उपस्थित हुन नसके पनि यसलाई संयुक्त राष्ट्र संघको ५१ औं संस्थापक सदस्य मानिन्छ,)
|
|
२४ अक्टोबर १९४५
|
सुरक्षा परिषद्का पाँच स्थायी सदस्य र अन्य बहुमत राष्ट्रहरूले बडापत्र अनुमोदन गरेपछि संयुक्त राष्ट्र संघको आधिकारिक रूपमा स्थापना भएको (यसै दिनलाई विश्वभर 'संयुक्त राष्ट्र संघ दिवस' को रूपमा मनाइन्छ,)
|